Construír un papaventos é unha das actividades que a Coordinadora de Equipos de Normalización Lingüística lles propón aos centros de ensino para conmemorar a Xornada da Ciencia en Galego. Con este día, quérese reivindicar a validez da nosa lingua para a ciencia, logo de que o decreto para o plurilingüismo establecese que clases como matemáticas ou física deben impartirse en castelán. A iniciativa recebeu xa o apoio das asociacións de profesores de ciencias, matemáticas e tecnoloxía, así como de diferentes centros de ensino. Entre outras actividades, o Departamento de Físicas da USC organizarán unha videoconferencia con científicos galegos que traballan no CERN, en Xenebra.
