O Consello da Cultura Galega lembra mañá a Carlos Casares no primeiro aniversario da súa morte

Un acto literario-musical e outro institucional conforman a homenaxe que o Consello da Cultura Galega lle rende mañá ao seu presidente Carlos Casares, falecido hai agora un ano. Na homenaxe, que comezará ás 12:30, participarán entre outros Kristina Berg, viúva do escritor, Alfonso Zulueta, actual presidente do Consello, Víctor Freixanes, director de Galaxia e os poetas Luz Pozo Garza, Yolanda Castaño ou Salvador García-Bodaño. Ademais do recitado de poemas realizarase unha lectura de “Ilustrísima” e un recital de piano a cargo de Ramón Castromil.

Máis información no web do Consello da Cultura