Localizan un terceiro porto romano no Ulla

Cultura confirmou a localización dun asentamento romano, probablemente vinculado a actividade portuaria, na zona ribeirán do concello de Valga, sobre o río Ulla, no lugar coñecido como Mercado dos Mouros ou Ägro de Xaz. Alí apareceron numerosos restos de época romana, durante as prospeccións levadas a cabo por un equipo de arqueólogos dirixidos por David Fernández Abella. O sitio arqueolóxico é un espazo de 11.500 metros cadrados de forma ovalad sobreelevados sobre o río Ulla. Os arqueólogos realizaron dúas sondaxes e nunha delas localizaron un posible almacén e noutra unha traza en negativo dunha cabana. Polos materiais, o poboado podería estar ocupado entre o século II e o V d.C.