Preséntase o proxecto de posta en valor do Castro de Remonde

ADEGA (Asociación para a Defensa Ecolóxica de Galiza) constituiu a partir da Eira da Xoana, a súa iniciativa de custodia de terras ubicada na Golada, a Fundación Eira. Unha das primeiras iniciativas da Fundación é a adquisición e custodia do Castro de Remonde, unha fortificación da Idade do Ferro ubicada nas proximidades do Castelo de Pambre. A Fundación quere establecer un proxecto de posta en valor, investigación e formación vinculado ao Castro que se irá coñecendo nos vindeiros meses.