Sen recuperar o formato de festival, Amal volta a Compostela como ciclo de cinema. A manter o formato do pasado ano, a iniciativa proxectará un total de nove filmes entre o 13 e o 18 de outubro, nos que se mesturan estreas cunha selección de traballos xa vistos en anteriores edicións. AsÃ, os espectadores poderán ver
Return to Homs ,
They are de dogs ,
Amreeka ,
Infiltrators , Omar, Yo soy Gaza,
Homeland (Né Quelque Part) ,
La bicicleta verde e
Waiting for Pasolini . Todas as proxeccións desenvolveranse no auditorio auditorio ABanca. Ademais desta entidade, o programa conta co apoio da Axencia Galega das Industrias Culturais. segundo denunciara a organización, a falta de apoio económico provocara o pasado ano a transformación do festival nun ciclo non competitivo.
Ademais das proxeccións haberá actividades paralelas como unha sesión de filmes para os máis novos e un certame de curtas exprés. Ademais, diferentes locais da cidade ofertarán menús árabes durante o transcurso do evento.
A coincidir coa presentación o presidente da Fundación Araguaney-Puente de Culturas, Ghaleb Jaber Ibrahim anunciou a súa intención de deixar o cargo de proceder á renovación da dirección desta entidade, responsable da organización do ciclo.
