Foto: Marcos Míguez
O fotoxornalista de La Voz de Galicia gañou onte o XI Premio de Creación Fotográfica Luís Ksado polo seu traballo "Ata que chegue a auga". O premio, convocado pola Deputación da Coruña, ten unha contía de 6.500 euros. Segundo o xurado, a proposta de Míguez amosa "un espazo rural que se desfai, a loita do ser humano por defender a súa identidade, a súa memoria e dignidade". O xurado estivo composto por Xurxo Lobato, comisario do premio, Manuel López, Isabel Muñoz e Silvia Olmedes.
