Kolkata. Javier Arcenillas. Cedida pola Deputación da Coruña
Javier Arcenillas, fotoxornalista madrileño, foi nomeado onte gañador da VIII edición do premio de creación fotográfica "Luis Ksado". O xurado, composto por destacados profesionais da fotografía, valorou na serie de fotografías Kolkata de Arcenillas “a súa atinada construción dun guión visual altamente expresivo, e unha depurada e coherente execución técnica en clave sepia". O premio está dotado con 6.500 euros e a participación nunha exposición itinerante.
