Os alimentos protagonizan o II Foro Isaac Díaz Pardo Empresa e Cultura

Co lema Os alimentos como producto cultural: tradición, innovación e identidade o Museo do Pobo acolle o vindeiro 4 de outubro a segunda edición do Foro Isaac Díaz Pardo Empresa e Cultura. O encontro, centrado en analizar as posibilidades que a nosa cultura pode achegar á actividade produtiva das empresas, contará coa presenza de iniciativas como Biocoop, dedicada á produción de carne ecolóxicas con razas autóctonas, as galletas mariñeiras de Lugar Daveiga, as conservas Curricán, ou a sidra de Lagar de Ribela entre outros proxectos vencellados á alimentación.