Comeza o II Foro Internacional Espazos para a Cultura

A Cidade da Cultura acolle, a partir desta mesma mañá o II Foro Internacional Espazos para a Cultura. O evento pretende analizar, baixo o lema A araña na Rede as posibilidades das novas tecnoloxías aplicadas aos museos. Para isto, o encontro contará con representantes de centros como a Tate Modern, The British Museum, o Museo Thyssen-Bornamisza ou o MACBA-Museu D’Art Contemporani de Barcelona. O foro desenvólvese ata o vindeiro 9 de novembro e pode seguirse ao vivo na rede.