Nimbos tradúcese ao inglés

A editorial Small Station Press é a responsable da tradución ao inglés de Nimbos, o principal libro poético de Xosé María Díaz Castro en lingua galega. A colección Galician Classics acollerá o volume que estará dispoñible para o mercado inglés co título de Halos. A tradución estivo apoiada economicamente pola Consellería de Cultura e o catedrático xubilado de oxford John Rutherford foi o encargado da tradución.