John Rutherford é profesor no Queen’s College da Universidade de Oxford, pero sobre todo coñécese en Galicia porque preside a Cátedra de Estudos Galegos desta Universidade e é un dos máis activos promotores da cultura galega nas Illas Británicas. Polas súas investigacións e apoio á difusión e o coñecemento da nosa lingua e culturas, a Real Academia acordou designar no seu pleno deste sábado a Rutherford como académico de honra da institución.
