A AGADIC resolve a segunda parte das axudas á distribución para industrias culturais

Vinte e catro propostas de 19 compañías e empresas culturais do noso país repartirán os 350.000 euros da segunda resolución das axudas para a distribución que convoca a Axencia Galega das Industrias Culturais. Distribución exterior de espectáculos de artes escénicas e musicais, representación en festivais, asistencia a feiras e mercados culturais e distribución de espectáculos no noso país son os catro eixes destas convocatoria. A xira estatal de Voadora é a que recibe un maior apoio para a distribución exterior da axencia pública con 9.660 euros, mentres que a nivel galego son as obras Da Vinci tiña razón e Menú do Día as beneficiadas con 9.531 e 8.695 euros respectivamente.