Vinte empresas culturais, e un total de 68 propostas reciben apoio na segunda quenda de adxudicacións das subvencións á distribución que convoca a Axencia Galega das Industrias Culturais (AGADIC). En total son 107.071 euros que facilitarán a xira de compañías teatrais e de grupos musicais tanto dentro como fóra de Galicia. Ademais, tamén se apoia a asistencia de firmas galegas de arte a feiras como ARCO, Just Mad ou Primavera Pro ou a eventos discográficos.
