Un total de 600.000 euros distribuiranse en 2014 e 2015 entre vinte e seis espectáculos no marco das subvencións á actividade escénica. A Axencia Galega das Industrias Culturais daba a coñecer onte a resolución desta convocatoria, que incrementou o seu orzamento en 90.000 euros fronte aos 510.000 euros do pasado ano, logo de varios recortes sucesivos na contía. A montaxe A tempestade de Voadora é a que obtén máis axudas, con 50.000 euros de apoio na categoría de grande formato. Séguena Kaasa de Elefante Elegante e mais Pequenas certezas de Sarabela, xa en mediano formato.
