Novos investimentos recuperarán elementos da catedral de Ourense

Recuperar a portada medieval, limpar a fachada norte e acondicinar o patio. Estas son as novas actuacións que se desenvolverán nos vindeiros meses na catedral de San Martiño de Ourense. O Consello da Xunta aprobaba onte un novo investimento de 460.000 euros en traballos de recuperación do templo. A estes súmanse as obras de restauración da pintura do muro norte do nártex, que se acaban de axudicar, e os labores de restauración das cubertas da catedral que inician agora a súa segunda fase. En total, a Xunta aseguraba onte ter investido un total de 1,5 millóns de euros en accións de restauración no templo.