Nunha nota publicada no web da Real Academia Galega, a Executiva desta institución aclarou que non tivo responsabilidade na escolla de Filgueira Valverde para o vindeiro Día das Letras Galegas. No texto, lémbrase que é o plenario da institución o que, cos seus votos, realiza a elección do homenaxeado, e indica que ningún dos membros da executiva avalou a candidatura de Filgueira. No entanto, na nota, recoñecen que "unha vez decidido polo Plenario dedicarlle o Día das Letras Galegas 2015 a esta importante personalidade das nosas letras, a Comisión Executiva da RAG asume como propia a decisión do Plenario da Academia".
En paralelo, a xuntanza que convocou onte a Mesa pola Normalización Lingüística para buscar alternativas á homenaxe a filgueira desde a sociedade civil contou coa participación de colectivos como a Associaçom Galega da Língua, a Asociación de Escritores en Lingua Galega ou Editores de Compostela entre outros.
Os participantes acordaron publicar nos vindeiros días un texto común no que se reivindicará a celebración das Letras como unha festividade que se debe desenvolver en positivo e na que a cidadanía debe ser protagonista. Asimesmo, anunciaron que de cara ao vindeiro mes de setembro agardan presentar unha proposta máis concreta coa que celebrar doutro xeito as Letras.
Os participantes acordaron publicar nos vindeiros días un texto común no que se reivindicará a celebración das Letras como unha festividade que se debe desenvolver en positivo e na que a cidadanía debe ser protagonista. Asimesmo, anunciaron que de cara ao vindeiro mes de setembro agardan presentar unha proposta máis concreta coa que celebrar doutro xeito as Letras.
