O Consello da Cultura Galega celebrou onte pola tarde o primeiro plenario da institución, presidido polo presidente de honra, o presidente da Xunta Alfonso Rueda Valenzuela. O plenario da institución aprobou a incorporación da matemática Elena Vázquez Cendón á Comisión Executiva da institución en calidade de secretaria, en substitución do músico Alejo Amoedo, que continúa na comisión como vogal. No Plenario, a Presidenta do CCG informou tamén dos proxectos do vindeiro ano, destacando un gran foro participativo con datos sobre a situación da lingua, a celebración do ano Castelao e o Día das Letras Galegas. Asimesmo, informou da actividade da institución durante o 2024. O CCG celebrou un "centenar de actividades, 18 publicacións e 55 documentos de asesoría entre estudos e informes de impacto ambiental e Bens de Interese Cultural (BIC)".