Abre en Cambados a exposición O Asorey descoñecido

O Pazo de Torrado, en Cambados, acolle desde onte a exposición O Asorey descoñecido, coa que se conmemora o 125 aniversario do nacemento do escultor. Na mostra pode verse unha escolma de obras deste artista realizadas en distintas técnicas, moitas delas en mans de particulares e de difícil acceso para o público xeral. A coincidir con esta inauguración, dábase a coñecer o resultado do I Certame de Escultura Francisco Asorey. David Leirós Araújo fíxose co galardón coa súa obra Contrabasse un violín de metal de inspiración cubista. Leirós recibirá seis mil euros en metálico e poderá montar unha exposición para dar a coñecer o seu traballo.