Un Plan Global dos Camiños de Santaigo a integrar "un Plan director, que analizará e diagnosticará as necesidades para seguir poñendo en valor os camiños; e, posteriormente, un Plan estratéxico que fixará as distintas propostas de actuación que se levarán a cabo”. Esta é a proposta que anunciaba onte o presidente da Xunta Alberte Núñez Feijóo. O proxecto, que se desenvolverá ao longo dos vindeiros anos pretende pór en valor as rutas xacobeas e paliar as súas actuais debilidades.
Como decálogo para o Plan Director que se prevé elaborar ao longo deste ano, o presidente da Xunta apuntou cuestións como integrar ás distintas institucións e asociacións do Camiño, completar as delimitacións oficiais da rutas, determinar as intervencións posibles en cada unha, desenvolver un programa de atención ao peregrino, ampliar a promoción, incentivar a investigación destes bens, fomentar a actividade nos períodos que non son Ano Santo e crear novos produtos culturais arredor dos camiños.
