A xuntanza que mantiveron onte o presidente da Xunta, Alberte Núñez Feijóo, e mais oministro de Educación, Cultura y Deporte, Íñigo Méndez de Vigo, sentou as bases dun futuro plan para recuperar elementos patrimoniais vencellados ás rutas Xacobeo. A idea, segundo explicaron os dous representantes, consiste en elaborar un plan de actuación conxunto "centrado en impulsar a rehabilitación dos bens de interese cultural ao longo do Camiño de Santiago" con vistas ao vindeiro ano Xacobeo, 2021. A proposta estará restrinxida a elementos declarados como BIC, entre os que se fará unha selección en vindeiros meses. Entre as actuacións considérase tamén para esta data o remate dos traballos de rehabilitación que está a sufrir a Catedral de Santiago.
