Abre o pano a XXXI Mostra de Teatro Cómico e Festivo de Cangas

Un intenso programa de actividades na rúa será o máis visible da XXXI Mostra de Teatro Cómico e Festivo de Cangas, que comeza mañá a súa actividade. Ata o vindeiro seis de xullo, Velocíclopes, La señorita Lupierre, Peor Imposible ou Vaya Circo percorrerán os espazos públicos da cidade. Ademais, o auditorio local acollerá Meu ben, Como por un tubo ou O Ogrocho entre outras propostas escénicas. No programa inclúese tamén o apartado Mulleres en Acción, "espectáculos que ademais de abordar temáticas que resalten os conflitos de xénero, conten coa dirección e dramaturxia realizada por mulleres" ou a iniciativa Revoltallo en Pedra que levará á rúa o traballo das escolas artísticas locais.