A colección Álvaro Gil volta ao Museo de Lugo

Finalmente as corenta pezas de ourivería prerromana do legadoo de Álvaro Gil, consideradas das máis importantes que se conservan en Galicia, ficarán no Museo de Lugo. O responsable de Cultura e Turismo da Deputación, Mario Outeiro, anunciaba onte o acordo polo que a entidade adquire este material aos herdeiros de Gil, cun prezo de merca de 2.346.200 euros, aos que se suman 600.000 euros de gastos xudiciais que tamén serán abodados polo organismo provincial. Os herdeiros retiraran os fondos do Museo, onde estaban en depósito, o pasado mes de outubro ante a falta de acordo económico coa Deputación. Outeiro adiantou que o material estará exposto xa a finais deste verán.