A Deputación de Lugo recorre a sentencia sobre o legado de Álvaro Gil

O Tribunal Supremo decidirá se o Museo de Lugo ten dereitos sobre o legado de Álvaro Gil. A Deputación Provincial vai recorrer ante esta sala a sentenza da Audiencia Provincial que puña a disposición dos herdeiros as pezas que este filántropo depositara no centro, segundo adianta hoxe El Progreso. Precisamente os herdeiros condicionaran a posibilidade dunha negociación sobre estes fondos a que a Deputación non recorrese ao alto tribunal, polo que a posibilidade dun acordo amósase moi remota. Esta cuestión será discutida polo Consello Galego de Museos na súa vindeira xuntanza, con vistas a atopar algunha saída ao litixio.