O espectacular Torques de Burela, sacado do Museo de Lugo hoxe á mañá.
Segundo informa La Voz de Galicia, a familia de Álvaro Gil retirou esta mañá do Museo Provincial de Lugo o legado que o filántropo deixara a esta institución. Entre este legado, estaban corenta das máis valiosas pezas de ourivería prerromana que nos chegan da Idade do Ferro e o Bronce, entre elas o famoso Torques de Burela e o enigmático Carneiro Alado. Unha furgoneta dunha empresa especializada en traslado de obras de arte levou as pezas, que están en paradoiro descoñecido. A Xunta de Galicia iniciou esta semana os trámites para que o conxunto fora declarado BIC.
