A partir do vindeiro 20 de xuño o sexto edificio do Museo de Pontevedra acolle a exposición Do cómic á novela gráfica. A banda deseñada en España no século XXI. O crítico e investigador Octavio Beares comisaria este proxecto que pretende analizar a evoluciónn da banda deseñada a nivel estatal nos últimos anos. O proxecto permitirá ver páxinas orixinais, bosquexos, material a cor e obras completas de Miguelanxo Prado, David Rubín, José Domingo, Santiago García, Max, Santiago Valenzuela, Paco Roca, Alfonso Zapico, Antonio Altarriba e Kim. Beares destacou que aproximadamente un terzo dos autores presentes no proxecto son galegos. A exposición permanecerá aberta ata o vindeiro 20 de xullo.
