A BD chega ao Museo de Pontevedra

O cómic no museo. Primeiros encontros coa banda deseñada é o título da iniciativa que, por vez primeira, levará a novena arte ao Museo de Pontevedra. O encontro, que foi coordinado polo crítico Octavio Beares celebrarase entre o 27 e o 29 de novembro. O programa comprende encontros con Kiko da Silva, que falará sobre A banda deseñada, a arte ignorada polo mundo da arte, David Rubín, que abordará o tema Viñetas sen medo; ou como adicarse ó cómic dende Galicia e non morrer no intento, e Pepo Pérez, que analizará Del tebeo a la novela gráfica: dos décadas de cómic en España (1990-2012).