Cartel de Arte + narrativa gráfica
A Sección de Creación e Artes Visuais Contemporáneas do Consello da Cultura organiza para o vindeiro 24 de novembro a xornada Arte + narrativa gráfica. Coordinado por Miguelanxo Prado e María Luísa Sobrino, o evento contará coa presenza do director do Centro de Arte Contemporánea da Universidade de Granada, Ricardo Anguita, que falará sobre O cómic na cultura visual contemporánea. Canda a el, o guionista Antonio Altarriba, Premio Nacional de Cómic explicará as peculiaridades da narración na novena arte e Juanjo Guarnido, Premio Eisner ao mellor debuxante, falará sobre A unicidade na linguaxe expresiva da historieta. Finalmente Gemma Sesar, directora de El Patito Editorial fará un repaso á evolución da banda deseñada galega.
