A Asociación para el Desarrollo Educativo y Cultural en colaboración coa Escola de Banda Deseñada O Garaxe Hermético organizan, co apoio do Ministerio de Cultura e Educación o I Seminario de Banda Deseñada e Educación. O lema "a narrativa gráfica como ferramenta educativa do século XXI" o encontro reúne o vindeiro 3 de xullo no Pazo da Cultura de Pontevedra os autores Kiko da Silva, Miguelanxo Prado, Paco Roca e Teresa Valero e mais ao crítico e investigador Álvaro Pons.
Orientado a profesorado de ESO e FP a actividade poderá seguirse tanto de xeito virtual como presencial. Nos contidos abordaranse desde as características e recursos narrativos da novena arte, ao potencial da BD histórica a nivel didáctico ou a evolución da percepción social da banda deseñada. O prazo de inscrición á actividade está aberto no web de ADEC.
