Ferrol homenaxe o traballo de Rodolfo Ucha cunha exposición

Ata o vindeiro 31 de agosto pode verse no Centro Cultural Torrente Ballester de Ferrol a exposición Rodolfo Ucha Piñeiro. Construíndo Ferrol. A mostra reivindica o traballo deste arquitecto "encargado de renovar a estética da cidade de Ferrol mediante a introdución dos novos estilos á arquitectura do seu tempo". Imaxes de arquivo, planos, documentos e unha serie fotográfica de Ovidio Aldegunde dan a coñecer o autor de espazos emblemáticos da cidade como o Teatro Jofre, o Casino, as escaleiras da Praza de Amboaxe, o edificio da Caixa de Aforros de Ferrol, o Hotel Suízo, a Casa Pereira, a Casa Romero ou a praza da Peixería.