Continúan a se reducir os orzamentos do Museo de Arte Contemporánea de Vigo. Se en 2013 o centro contou con 750.000 euros, a contía para este ano ficará en 705.000. O Concello de Vigo fixo pública onte a súa achega a esta entidade, que suma 605.000 euros aos 100.000 que xa anunciara a Consellaría de Cultura. A corporación da Cidade Olívica denuncia que corre co 70% do orzamento do Museo logo das repetidas minguas nas achegas da Xunta e da retirada da contribución da Deputación de Pontevedra.
