O 70% dos ingresos do MARCO para 2013 chegarán do Concello de Vigo. A Xunta de Goberno Local de Vigo aprobaba onte achegar unha subvención de 605.000 para asegurar a continuidade do centro. Ademais, o alcalde vigués, Abel Caballero, anunciou que a cámara municipal asumirá os gastos do centro en adiante. Caballero censurou os recortes que a Xunta e o Ministerio de Cultura fixeron nas súas achegas para o centro, e lembrou que a Deputación de Pontevedra non fixo efectivo o apoio económico comprometido.
