Galicia conta con representación propia no Surge Madrid. O que está considerado o maior festival de teatro alternativo de Europa, con 93 estreas, 444 funcións e 41 espazos escénicos implicados, conta co traballo de dous galegos. Por unha banda, o actor Pablo Ojea actúa en Tiranos, de Vaivén Teatro, unha obra que explora a visión da tiranía a través de diferentes obras teatrais. Pola outra, Tito Asorey dirixe El Hombre Almohada, un texto de Martin McDonagh con EscénaTe-ilMaquinario Teatro. O festival celébrase ata o vindeiro 31 de maio.
