O encontro abre e pecha con monólogos: Manquiña e LuÃs Zahera serán os encargados de iniciar esta edición co seu espectáculo titulado Monólogos inocentes (martes, 22:30 horas, 8 euros), e Sergio Pazos de clausúralo con Sé galego, my friend. Polo medio, dúas montaxes de teatro de adultos, Teatro de Ningures e o seu Atra Bile.
ilMaquinario, un novo proxecto
A gran novidade desta edición é a estrea do proxecto escénico de iLMaquinario, Proxectos escénicos, compañÃa de nova creación conformada na súa totalidade por profesionais saÃdos da Esad baixo a cobertura empresarial de Arteficción SL. No seu web, a compañÃa afirma que entre os seus sinais de identidade está “privilexiar o traballo do actor como explorador da natureza humana, ofrecendo ao seu público historias que susciten debate e controversia, e ao mesmo tempo sexan pracenteiramente lúdicas. Un teatro de grande intensidade sustentado no traballo colectivo e que persegue un novo tipo de relación co espectador”. Para a súa estrea, adaptan O home almofada, unha novela do coñecido escritor irlandés Martin McDonagh, moi popular no teatro galego tralas adaptacións feitas por Producións Teatrais Excéntricas con Un cranio furado e Oeste solitario. Nesta ocasión, conta a historia dun escritor de contos infantÃs con ganas de notoriedade que é arrestado e interrogado pola conexión entre as súas historias e unha serie de crimes e desaparicións de nenos da zona.