Teatro para todos os gustos en Vigo e Pontevedra. Na cidade olívica acaba de comezar a III edición do Festival Alternativo de Teatro e Danza que organiza a Concellaría de Festas e Animación Sociocultural e a asociación Noescafé Teatro. Os encargados de abrir o programa foron os bilbaínos “Fabrica de Teatro Imaginario FTI”, aos que seguirán sete compañías que ofrecerán as súas propostas no auditorio municipal e no Marco. E tamén de teatro vai a “Mostra” que a asociación QuartoEscuro organiza na Facultade de Ciencias Sociais de Pontevedra do 10 ao 20 de maio. Durante dez días, oito compañías de teatro afeccionado e semiprofesional porán en escena nove representacións.
Consulta o programa do Festival de Teatro Alternativo de Vigo no xornal do concello olívico e o da Mostra no web de Quartoescuro
