Teatro, danza, exposicións e música pero todo coa etiqueta de alternativo. Estes son os sinais de identidade do Festival ALT.08, o festival que se consolida en Vigo e do que se cumpren xa sete edicións. A deste ano sucederase do 22 de febreiro ao 8 de marzo polas principais rúas da cidade e en espazos como o MARCO, o Auditorio Municipal ou o Teatro da Cidade Universitaria. O evento, que está organizado polo Concello de Vigo e Noescafé Teatro Asociación coa colaboración do Instituto Camões, rematará con “Marathon woman”, un proxecto de diferentes autoras que durará doce horas.
