Alberto Torres e Saleta Fernández protagonizan Supergalácticos, a montaxe de debut da nova compañía Código Morsa, de Cuntis. Fran Rei dirixe esta obra orientada a público infantil e familiar na que dous superheroes enfrontan as maldades do Dr Neutrón. Situacións cómicas que beben do humor cinematográfico, televisivo e do cómic encadéanse nunha produción que busca a complicidaede cos máis novos. O proxecto estréase o vindeiro 18 de abril no Auditorio Patelas de Cuntis no marco das actividades polo Día das Letras que organiza a Asociación Río Gallo.
