Tui acolle o II encontro A cidade con ollos de poeta

Raúl Vacas, Rosalía Fernández Rial, Elvira Riveiro Tobío, Fran Alonso, María Lado, Lucía Aldao, Raquel Lanseros e o proxecto músico-poético de Xardín Desordeado visitarán mañá as rúas e prazas de Tui no marco do II Encontro A cidade con ollos de poeta. O programa inclúe obradoiros literarios, un photocall ou un xantar ao aire libre ademais de recitais. Organizado polo colectivo Enredando Versos, o proxecto conta coa participación de diferentes centros de ensino da provincia.