Un recital de cinco autoras centra o programa da XI Semana de Poesía Salvaxe

María Do Cebreiro, Eva Veiga, Iolanda Zúñiga, Estíbaliz Espinosa e Judite Fernandes, presentadas por Manuela Sanmartín protagonizan o vindeiro 25 de abril o recital Elas na XI Semana de Poesía Salvaxe de Ferrol. Logo da proclama poética que abrirá os recitais ese mesmo día, as actividades desenvolveranse ata o día 28 coa participación de autores e autoras como Carlos d´Adra, Victor M. Diez, Karlotti, Alba María, Sara Marchena, Cris de la Maza, Ricardo Lado, Grupo Poético Moraima, Eli Zeta, Lois Pérez. Rosalía Fernández Rial, Carlos Santiago, Lucía Aldado, Javier Semprún, Eduardo Fernández Gijón e Borja Semprún entre outros. A iniciativa desenvolverase en diferentes mercados e salas da cidade, como a Fundaçom Artábria, a Sala Super 8 ou a Torrente Ballester. Como é habitual, o programa incluirá propostas musicais e espazos de improvisación poética.