No Google Cultural Institute participan publicando os seus contidos e exhibicións en liña institucións prestixiosas de todo o mundo. A partir de hoxe, o CCG tamén publicará as súas exhibicións en culturalspot.org co obxectivo de facilitar a visibilidade internacional da cultura galega. E faino cunha primeira exhibición: "Frei Rosendo Salvado, valedor do pobo aborixe", a versión electrónica da mostra que se pode ver en San Martiño Pinario ata fin de mes.
