Naceu en Galicia pero viveu a maior parte da súa vida nas nosas antípodas, en Australia. Alí, no marco dunha misión relixiosa, Rosendo Salvado iniciou unha interesante relación co mundo aborixe. Catro décadas de traballo que lle permitiron asentar unha misión beneditina nun espazo no que fracasaran outras experiencias coa que deu pé a un modelo educativo pioneiro e único. Como o fixo, como se documenta o seu legado e outras facetas analízanse no simposio Da civilización á cultura, que arrinca mañá en Santiago coa presenza de destacados estudosos australianos e españoles. Organizado polo Consello da Cultura Galega, en colaboración coa embaixada de Australia en España, ofrecerase tamén un concerto e unha exposición en San Martiño Pinario, onde estudou Salvado.
