Elena Colmeiro reivindica o poder escultórico da cerámica no Museo de Pontevedra

Exhibir que a cerámica é un material escultórico desvencellándoo do seu tradicional uso utilitario. É o traballo que leva facendo Elena Colmeiro (Silleda, Pontevedra, 1932) durante anos e é a idea última que plana de fondo na exposición que abre hoxe as súas portas no Museo de Pontevedra. A mostra Sen título son 47 obras que se aprecian liñas de traballo recorrentes en Colmeiro como a súa fascinación polas fábricas, materiais industriais, o refugallo. Inspiracións que se traduce nas formas e cores destacadas da súa obra feita sobre tixolo, carbono de silicio ou material refractario. A exposición estará aberta ata o vindeiro 4 de maio.