Imaxe da presentación de Árbore de montaña
O cadro Árbore de montaña, de Ovidio Murguía, fillo de Rosalía de Castro e de Manuel Murguía, poderá verse na sede da Fundación dedicada á poeta, en Padrón. A entidade recibía esta fin de semana a pintura, ata o de agora sen catalogar e conservada en mans da familia Bustelo Calvo-Sotelo de Ribadeo. A peza restaurarase agora na Museo de Belas Artes da Coruña mercé ao apoio da Consellaría de Educación e Cultura. Precisamente o presidente da Fundación, Anxo Angueira, asinaba esta fin de semana un convenio de colaboración coa Secretaría Xeral de Política Lingüística, polo que esta entidade achegará un total de 25.000 euros para apoiar as actividades da Fundación.
