Bang! ediciones acaba de anunciar a publicación das versións en castelán e catalán, dentro da súa coleccion Mamut, do segundo volume da serie Marcopola, de Jaoobo Fernández. Marcopola e os piratas da lúa xa vira a luz en galego da man de edicións Xerais. En paralelo, o guionista vigués Carlos Portela, en colaboración co debuxante catalán Sergi Sanjulián, acaban de pór en marcha un crowdfunding na plataforma Verkami para publicar a segunda parte da súa obra A conta atrás. O primeiro volume desta novela gráfica sobre o Prestige vira a luz en 2008 na editorial Faktoría K e quedara incompleta desde entón. A campaña pretende colleitar 27.000 e publicar o álbum de 120 páxinas en castelán e en galego.
