"A conta atrás" é o título do novo proxecto que o guionista Carlos Portela está a desenvolver co debuxante catalán Sergi Sanjulián. Trátase dunha novela gráfica que ten como pano de fondo o desastre do Prestige. Segundo adianta o autor, a intención é que vexa a luz de cara o vindeiro verán da man de Faktoría K. Ao tempo, Fran Jaraba adiantunos que leva debuxadas unha trintena de páxinas do terceiro volume da súa serie "As aventuras de Maxi Torres", que comezara con "Cita na Habana". Jaraba acudiu ao Saló de Barcelona a dar a coñecer este produto a editores internacionais, e agarda que a edición en galego vexa a luz, da man de Xerais, para comezos do vindeiro ano.
Máis información na ficha de Portela; ficha de Jaraba
