Terra Libre é o título do volume que pecha a triloxía As aventuras de Maxi Torres, ambientada na Guerra de Independencia Cubana. Segundo nos adiantou o seu autor, Fran Jaraba, o álbum está xa no prelo e prevese a súa presentación este mesmo verán. A obra editarase en galego e en castelán da man de Xerais. Jaraba sinalou que polo momento deixa o personaxe e que os seus vindeiros proxectos no campo da BD mudarán tanto de temática como de estilo gráfico.
