Por vez primeira, a célebra casa de poxas Christie's organiza unha venda pública centrada na banda deseñada. Entre as preto de 400 pezas que se poderán adquirir o vindeiro 5 de abril en París, atópase un orixinal dun autor galego. Miguelanxo Prado enviou para esta ocasión Ana no dique, un acrílico sobre lenzo que reproduce o escenario e a protagonista do álbum Trazo de xiz. A obra sae á venda cun prezo estimado de entre 10 e 12.000 euros.
