Membros da directiva da Asociación de Actores e Actrices de Galicia antes da presentación.
O espectáculo 'Eurozone', de Chévere, é a produción teatral con maior número de finalistas nos XVIII Premios María Casares de Teatro. En total, doce nominacións, incluíndo mellor espectáculo e mellor dirección. Séguea O home almofada, de iMaquinario Teatro, con seis galardóns, tamén entre eles a mellor espectáculo e dirección. Bye, Bye Honey de Obras Públicas e Abrapalabra, e As do peixe, de Abrapalabra, aspiran ao premio en cinco categorías. Estas son algunhas das nominacións dos XVIII Premios María Casares, que se presentaron hoxe por parte da Asociación de Actores e Actrices de Galicia (AAAG) no Consello da Cultura Galega. Avelino González, presidente da AAAG, salientou a maior presenza de público nos espectáculos e tamén a maior presenza feminina no teatro galego. Podes descargar o documento completo das nominacións no documento adxunto.
