O CCG presenta hoxe na Casa de Galicia de Madrid a exposición “Un canto e unha luz na noite”, a mostra do CCG sobre o asociacionismo cultural durante o franquismo. A inauguración será esta tarde do mércores 5 ás 19 h. e participarán Ricardo Gurriarán, comisario da exposición, e Emilia García López, responsable de Acción Exterior do CCG.
A exposición, que será visitable na Casa de Galicia de Madrid, ata finais de mes, versa sobre o papel que desempeñan as asociacións culturais en Galicia e os seus axentes durante as últimas etapas do franquismo na difusión, preservación e transmisión da lingua e cultura galegas durante a ditadura.
