Cando volvimos unirnos

O historiador Ricardo Gurriarán está metido de cheo na produción e organización da mostra Asociacionismo cultural en Galicia 1961-1975, que o CCG inaugurará esta primavera. Nesta entrevista, Gurriarán avánzanos os contidos da exposición e o contexto no que as asociacións culturais comezaron a agromar nas décadas finais do franquismo, canda algunhas mostras dos materiais orixinais destas asociacións, tan fundamentais para comprender a cultura galega actual. "Corremos o risco de que este material desapareza", advirte Ricardo Gurriarán.