Logo de dez anos sen ampliar os seus membros, a Real Academia Galega de Ciencias anunciaba onte, na apertura do seu curso académico, o ingreso de catro novos numerarios. Angel Carracedo, Fernando Pérez, María José Alonso e Alicia Estévez serán os novos académicos da institución. Cobra especial importancia a entrada das dúas catedráticas de Farmacia (María José Alonso) e de Microbioloxía e Parasitoloxía (Alicia C. Estévez Toranzo) xa que serán as dúas únicas mulleres presentes na Academia.
As incorporacións de Carracedo, catedrático de Medicina Legal e Fernando Pérez, catedrático do Departamento de Teoría do Sinal e das Comunicacións preséntanse tamén como parte do proceso de renovación da entidade que anunciara o presidente Miguel Ángel Ríos, que tomou posesión o pasado mes de decembro.
Na apertura do curso, os académicos lembraron a Ernesto Viéitez, presidente da institución durante máis de trinta anos que faleceu o pasado mes de setembro.
Na apertura do curso, os académicos lembraron a Ernesto Viéitez, presidente da institución durante máis de trinta anos que faleceu o pasado mes de setembro.
